श्री साकाई देवी, आमच्या उमेळे गावाची ग्रामदेवता आपणा सर्वांची श्रद्धास्थान. गावात देवीच्या प्रतिष्ठापनेनंतर दरवर्षी चैत्र कृष्ण चतुर्दर्शीला देवीचा यात्रोत्सव साजरा होतो. संपूर्ण महाराष्ट्रात सर्व देवींची “चैत्रवळ ” ह्या शब्दाने सर्वश्रुत असलेला हा उत्सव उमेळे गावात पारंपरिक पद्धतीने आजही होत आहे, आर्थिक परिस्थिती बेताची व पाण्याचे दुर्मिक्ष्य असतानाही नातेवाईक व पाहुण्यांचा राबता गावातील प्रत्येक घरात असायचा. अनेक प्रकारची दुकाने , पाळणे, खाद्यपदार्थ ह्याचबरोबर रात्रौ नाट्यकृतीचा आस्वाद देवीच्या आशिर्वादाबरोबर भक्तगणजतन करीत असत. आजही पंचक्रोशी व मुंबई (पालघर) स्थित हजारो भाविक यात्रोत्सवाला उपस्थित असतात व देवस्थान मंडळातर्फे सर्वांची योग्यप्रकारे व्यवस्था ठेवली जाते.